Did you know that the people you hang out with or follow on social media have a huge impact on who you are?

Waxaad noqotaaa ama saamayn kugu yeesha dadka aad la nooshahay, ama aad raacdid/saaxiibadaada iyo sidoo kale dadka aad ka daawato baraha bulshada. Hadii aad dad xun xun aad la socoto waxa ay u badantahay inaa dhibsato waxa ay sameeynayaan markaa aad isku cusubtihiin, balse ay caadi kula noqoto maalmo kadib. Waxaa dhici karta inaa bilowdo inaa adna samayso oo aad tijaabiso waxa ay samaynayaan sababtuna waa in ay caadi kula noqdeen wax yaalahaa xun xun ee asaxaabtaaduna sameeyaan. 

Sidoo kale hadii aad baraha bulshada kaga xirantahay dad wax aan fiicnayn ku soo gudbiya saamayn ayay kugu yeelanaysaa. Saamayn maskax ahaaneed iyo mid muuqaaledba ayay kuu gaysankartaa. Hadii aad maantoo dhan daawanayso tusaale dad is caaynaya oo maalintii oo dhan live oogu jira xumaan oo kaliya, waa hubaal way ku saamayn.

 Dadka xun xun waxay rabaan in ay helaan dad badan oo sidooda oo kale ah.
Sidaa darteed waxay si waliba iskugu dayayaan sida ay adina kaaga dhigi lahaayeen sidooda oo kale. Ma la rabaan in uu qof kale uu hormar gaaro.

Waxyaabaha kala kulamaysid dadka xun xun ee kugu xeeran;

Inay ku liidan kuuna sheegaan inaadan gaari karin meesha aad rabtid

Inay kaa sheegaan dhaliilooyin badan 

Inay ku niyadjabiyaan

Inay wakhtiga kaa lumiyaan

Inay kaa soo reebaan dadka fiican oo dhan

Halka hadii aad lasocoto dad wanaagsan kuwaasoo ku faraya wanaaga kaana reebaya xumaanta oo dhan.
Hadii aad la socoto dad fiican waxaa hubaal ah in aad noqonayso sidooda oo kale, hadii ay lacala kugu arkaan adoo wax aanan fiicnayn samaynaya waxay isku dayayaan in ay kaa waaniyaan. Waxaad ku heshaa fursado fiican oo ku anfacaya ayaga awgood sida shaqo iyo wax yaalo kaloo badan. 

La socoshada dadka wanaagsan waxaad noqonaysaa qof nafasadiisa dhisanatahay sababtoo ah waxaad inta aad la joogtid dadkaas ka baranaysaa waxyaabo badan oo qalbiga u roon. Hadii aan tusaale u soo qaadano waxaad la socotaaa dad ahlul cibaado ah oo markaste salaada tukanaya quraanka akhrisanaya, hadaba miyay arintani u roonayn naftaada iyo shaqsi ahaantaada?

Jawaabtu waa haa waa uraantahay marka aad Alle xasuusanatahay way kuu fududanayaan wax waliba.

Dadka wanaagsan aad la socoto mar waliba way ku dhiiri galiyaan, waxayna kugu dhiirigaliyaan sida aad ku gaari lahayd goolka aad nolosha ka leedahay waxayna kuu sheegaan inaa samayn karto sidaa ku gaari lahayd. Markaste waxay kula garabtaagan yihiin dhirigalin iyo wax kaste oo ay kuu awoodaan.

Dadka wanaagsani waxay kaa fogeeyaan oo kaa ilaaliyaan wax kaste oo ku niyad jabinaya, ama kaa hor istaagi kar hormarkaaga iyo meesha aad rabto inaa gaarto waxayna kuu sheegaan ama kuu muujiyaan garab istaag.

Waxay isku dayaan dadka wanaagsan ee aad haysato inay kaa caawiyaan sida aad ku qaadan lahayd doorashooyinka wanaagsan.  Sidoo kale waxay kaa caawinayaan in aad qaadato go´aamo sax oo waliba ku anfacaya.

Hadaba isku day inaa ka fakarto dadkaa la soconaysid iyo dadka ku darsanaysid baraha bulshada dadka ay yihiin. Iska ogoow inay yihiin dad aad wax wanaagsan ka faa´iidaysid, hadaysan ahayn jooji la  sii socodkooda. Markaste ku dadaal ina dadka kugu xeeran ay yihiin kuwo wax tar leh oo kaa reebaya xumaanta kuuna horseedaya wanaaga.