Make a plan for your day

Maalintaada oo aad u samayso qoshayaal cad cad waxay kaa caawinaysaa wax yaalo aad u badan oo ay ka mid tahay in ay maalintaada ku soo dhamaato si aad u qurux badan adigana aad dareemayso in aad ka faa´iidaysatay maalintaada iyo waliba farxad. Sidoo kale maalintaada oo leh qorshe toosan waxay kaa dhigaysaa qof aan hadba dhinicii la rabo loo leexin karin, waxay kaa dhigaysaa qof ku fadhiya micno wayn oo leh hadaf.

Ma ogtahay in maanta la helayo boqolaal qof oo iska soo kaca oo aan haysan wax qorshe ah maalintooda.

Hadaba dadkaasi waa sidee maalintooda, sideena ku dhamaanaysaa maalintooda bilaa qorshaha ah. Dadka ku soo kaca maalintooda qorshe la´aan waxay ka dhigaysaa in uu qofku dareemo in maalintiisa ku dhamaatay micno daro oo qofkana shakhsi ahaan dareemo tayo la´aan ama qof liita oo isku faraxsanayn. Waxayna taas sababaysaa in uu qofku ka cabto noloshiisa una arko in uu san haysan  nolol wanaagsan iyo maalmo qurux badan. Markaasna wuxuu qofku bilaabayaa inuu raadiyo cudurdaar uu ku daboolayo sababta uu u haysto maalmo ku salaysan wax qabad la´aan, caajis, firfircooni la´ aan iyo maalintii oo ku dhamaanaysa micno daro. Sidoo kale maalintaada oo aan qorshe haysan waxay kuu horseedaysaa in aad iska raacdo qof walbe, oo aad samaysid wax aan micno kuugu fadhin dilayana shaqsiyadaada qof ahaaneed. Ku soo kicidaa qorshe la´aan waxay kugu kalifaysaa inaa yeelato saaxiibo xun xun oo aduun rajo ka lahayn, iska soo kaca maalintooda seexdana habeenkiii. Ma jiraan hadaf iyo homar ay ka leeyihiin aduunka waxayna doonayaan in ay ka dhigaan sidooda oo kale qof kaste oo aan lahayn caqli ku filan iyo hadaf nololeed.

Hadaba waa maxay faa´iidada haysashada qorshe maalmeed. Dadka leh hami dheer oo haysta qorshoyaal maalmeed, waa dadka badanaa gaara hormarka wax ku oolka ah oo qof waliba arki karo. Waxaad qabanaysid maalintaada oo aad ogtahay waxay kaa dhigaysaa qof aan wakhti u haynin wax yaabaha bilaa macnadarada ah sida ( iska raacida asxaabta markaste, fariishada fadhi ku dirirka iyo balwadaha xun xun).

Maalintaada oo qorshaysan waxay kaloo faa´iido leedahay in aad noqoto qof ku fakara sidaad ku sameen lahayd hormar iyo inaa ku sii dhiiratid in aad samaysato qoshayaal aad noloshaada kor ugu sii qaadaysid.

Waxaad kaloo dareemaysaa qanacsanaan nafsad ahaaneed iyo ku qanacsanaan waxa aad qabatay oo dhan.

Waxaad ka helaysaa dhiirigalin in aad samayn karto intaas in ka badan, samayn kartana qorshayaal kaloo farabadan taas oo kugu dhiirigalinaysa in aad samayn kato maadaama aad ka soo baxday qorshahaagii maalmeed. 

Su´aashu waxay tahay sidee qofku ku samayn karaaa qorshe maalmeed

4. Talo oo aad qorsho/jadwal ku samayn karto maalmahaaga

1. Qor waxaad qaban lahayd maalintaada habeenkii

Aad bay u fiicantahay inaa qortid waxaad samayn lahayd maalintaada barito, tani waxay kaa caawinaysaa in aadan ilaawin waxaad samayn lahayd. Xooga saar inaa ka soo baxdid/samaysid qorshahaagii maalmeed. Xoogana siisaar waxyaalaha kuugu muhiimsan in aad samaysid maalintaada.

2. Ku salaysii qorshahaaga maalinlaha ah kuwa mustaqbaleed

3. Qor wax yaabaha aad ka faa´iiday/ ka baratay maalintaadi hore 

Hadii aad qorto hal ama labo wax oo aad ka faa´iiday maalintaadii hore waxay kugu dhiirigalinaysaa inaad samayso ama aad raacdo qorshayaashaada maalmeed. Sidoo kale waxay kugu dhiiri galinaysaa inaa jadwalkaaga maalmeed ku dartid wax yaalo badan oo faa´iido leh maalinba maalinta ka danbaysa.

4. Wad samayta qorshayaashaada maalmeed

Ha ka daalin in aad samayso jadwal maalintaada waa hubaal waxaad ka faa´iidaysaa wax aadan filanayn, laakiin aad gadaal ka arki doonto ugu danbayna aad ku gaaraysid hormar.