Why should you need to travel?

 

Socdaalka waa ka badan yahay booqasho meelo iyo qaadid sawirro, socdaalka oo badani waxay soo kordhisaa fikrado iyo aragti cusub waana maalgashi dhab oo naftaada ah. Socdaalkaga oo badan waxa ay doorwayn ka qaadataa noqosha qof dhisan oo haysta waayo aragnimo buuxda.

Safar aad u baxdo meel ka baxsan bay´ada aad degantahay waxa ay leedahay faa´ iidooyin badan, hadii ay noqoto mid khibrad ahaan iyo mid koriino maskaxiyeedba. Markaad u baxdo meel ka dhaqan duwan meesha aad ku noolshahay oo ka cimilo duwan waxaad ka soo baran oo aad ka soo arki wax yaabo badan oo aadan ku soo arkin meesha aad ku nooshahay. 

Waa xaqiiq waxaad ka soo baranaysaa wax yaabo badan, waxaa laga yabaa inaa ku soo aragto wax badan oo aad ka heshay jeclaana lahayd inaa ku haysato ama aad ku aragto meesha aad ku nooshahay. Markaas waxaad bilaabaysaa inaa is waydiiso shu aashan oo ah sidee ku keeni karaa meesha aan ku nooloahay waxa aad markaas ka heshay. 

Waxaana dhici karta inaa adi sabab u noqoto keeni taanka waxayaalahaas bay´ada aad ku nooshahay, markaas ka dibna waxa dhicikarta in aad ku mutaysato waxyaalo qurux badan maadama aad wax wanaagsan ku soo kordhisay bulshadaada iyo deegaankaagaba. 

Sababaha uu qofka bani aadamka ah ugu baahanyahay inuu safro aad ayay u badanyihiin balse hadaan aan soo qaadto qaybaha ugu muhiimsan waxaa ka mid ah;

• Khibrad dhaqameed cusub

Waxa ugu muhiisan in la safro waa barashada dhaqamada kala duwan. Aduunka aad ayuu ubalaaran yahay dhaqamada umadana badda aayay ka abadan yihiin iyo kala duwanaanshaha. Nin la yiraahdo Saint Augustine ayaa hore u yiri " aduunku waa buug dadka aanan safrin waxa ay akhristaan bogg ka mid ah buugaas". Hadad rabto inaa wax badan ka ogaato kana barto aduunkan balaaran waxaan kuu soo jeedinaa inaa safarto.

Waxaa jira Xadiis Abuu Hurayra ( Alle ha ka raali noqdee) laga soo wariyay Rasuulka(SCW) uuna yiri"Alle wuxuu u fudeeyaa jidka Jannada qofkii u safra si uu u siyaadsado aqoon".

Aqoontu waa mid aan xuduud lahayn, safarkuna waa hab fiican oo wax lagu baran karo laguna heli karo khibrado cusub.

• Waxaad ku baranaysaa naftaada

Waxaa wax badan ka barandoontaa naftaada iyo qofka aad tahay. Waxaad barandoontaa sida ay naftaada dareemayso marka aad ka fogaato dhulkaagii iyo sida aad ula dhaqmi lahayd dadka ajaanabiga ah ee aad kala dhaqan duwantihiin. Waxaadna ogaandoontaa sida aad uga falcelin lahayd hadii aad la kulanto xaalad kugu cusub.

• Waxaad ku baranaysaa luqad cusub

Safarka wuxuu kaa caawinayaa inaa barato luuqado qalaad. Waxaad noqonaysaa qof is meel marin kara oo is ku filan hadii bari ka maalin ay wadanka banaan kiisa howl kaa gaalaan, tusaale ahaan gacsi hadaa bilowdo ma u baahanaysi qof mar waliba ku garab socda si uu kuugu turjumo. 

• Safarku waxa uu kaa dhigayaa qof caafimaad qaba

Dad badan ayaa waxa ay aaminsanyihiin safarka waxa uu kaliyaa u ficanyahay nafta, laakiin waxaa intaa dheer in safarku aad ugu fiicanyahay caafimaadka. Cilmi baaris la sameeyay ayaa lagu sheegay in safarku yareenayo khatarta cudurrada wadnaha.

Mid ka mid ah daraasad la sameeyay, cilmi baarayaashu waxay kormeereen ragga khatarta ugu jira cudurrada wadnaha mudo dhan 9 sano. Mudadii tijaabada kadib, waxay oo gaadeen in ragga fasaxyada u baxa sannad kasta 30%  ka yartahay khatar  u dhimashada cudurrada wadnanaha.

Daraasadda wadnaha ee Framingham ee caanka ah waxay muujisay natiijooyin isku mid ah. Cilmi-baarayaashu waxay kormeereen ka-qaybgalayaasha haweenka 20 sano. Cilmi-baadhayaashu waxay ogaadeen in dadka qaatay qadarka ugu yar ee wakhtiga fasaxa (qiyaastii hal fasax 6dii sanoba mar) waxay ahaayeen qiyaastii laba jeer iyo badh inay u dhowdahay inuu ku dhaco wadna xanuunka marka loo eego dadka fasaxa qaata hal mar sannadkii.